Boshlang’ich ta’lim o’qish darslari jarayonida pedagogik texnalogiyalardan foydalanish bo’yicha markazning “Maktabgacha, boshlang‘ich va maxsus ta’lim” kafedrasi katta o’qituvchisi M.S.Narziyeva tomonidan 2019-yil 18-noyabr kuni “O’qish darslarida badiiy asar ustida ishlash jarayonida pedagogik texnalogiyalardan samarali foydalanish” mavzusida mahorat darsi o‘tkazildi.
Mahorat darsida zamonaviy pedagogik texnalogiyalardan foydalanish har bir fanda, jumladan o’qish fanida pedagogik texnologiyadan foydalanish nechog’lik ahamiyatga ega ekanligi, zamonaviy yondashuvlar, interfaol ta’lim vositasida mustaqil fikrlash madaniyatini shakllantirish sifatida oldindan o’quvchilarning ta’lim – tarbiya samaradorligini ko’ra bilish to’g’risida, shuningdek o’qish fanida qo’llanadigan interfaol usullar va ular haqida nazariy - amaliy tushunchalarning afzalliklari to’g’risida zarur ko’rsatmalar berildi. Dars davomida boshlang’ich sinf o’quvchilarining ijodiy qobilyatlarini rivojlantirishda o’yinga asoslangan zamonaviy pedagogik texnalogiyalarni qo’llash yaxshi samara berishi ko’rsatib o’tildi.
Mahorat darsida markazning professor-o‘qituvchilari hamda boshlang‘ich ta’lim o‘qituvchilari malakasini oshirish kursi tinglovchilari ishtirok etdi.
