Joriy yilning 17-noyabr kuni Buxoro viloyati Pedagoglarni yangi metodikalarga o‘rgatish milliy markazi hamda Rossiya davlat pedagogika universiteti o‘rtasidagi hamkorlik doirasida bir guruh Rossiyalik mutaxassislar tashrif buyurishdi. Tashrif davomida rossiyalik mutaxassislar pedagogika fanlari doktori, professor Xamrayeva Yelizavetta Aleksandrovna, pedagogika fanlari nomzodi dotsent Shorina Tatyana Aleksandrovnalar Pedagogik markazda o‘zlarining malakalarini oshirayotgan rus tili guruhi tinglovchilari bilan uchrashib, “Современные лингводидактические инновации в преподавании русского языка” mavzusida seminar-trening tashkil etdilar.
Buxoro viloyat pedagoglarni yangi metodikalarga o‘rgatish milliy markazi hamda Rossiya xalqlar do‘stligi universiteti Rus tili va adabiyoti instituti bilan hamkorlik Memorandumi ijrosini ta’minlash maqsadida “Tillarni o‘qitish metodikasi” kafedrasi katta o‘qituvchisi G.Hamidova 2023-yil, 19-20-oktyabr kunlari Moskva shahrida tashkil etilgan «Лингвокультурология и коммуникативная реальность XXI века: новые вызовы – новое осмысление» xalqaro lingvistik forumda ishtirok etdi.
Oʻzbek tiliga davlat tili maqomi berilganligining 34 yilligi munosabati bilan Buxoro viloyat pedagoglarni yangi metodikalarga o‘rgatish milliy markazi Tillarni o‘qitish metodikasi kafedrasi professor - o‘qituvchilari, ARM xodimlari hamda 16-21 -oktabr kunlari tashkil etilgan ona tili va adabiyot o‘qituvchilari malaka oshirish kurs tinglovchilari bilan hamkorlikda 2023-yil 21-oktabr kuni "Qoshgʻariydan meros ona tilim jilosi" mavzusida maʼnaviy-maʼrifiy tadbir boʻlib oʻtdi.