2018 yil 9-fevral kuni BuxDU huzuridagi xalq ta’limi xodimlarini qayta tayyorlash va ularning malakasini oshirish hududiy markazining ARMda buyuk davlat arbobi, mutafakkir, so‘z mulkining sultoni Alisher Navoiy tavalludining 577 yilligi munosabati bilan “She’riyat mulkining sultoni” deb nomlangan davra suhbati Buxoro viloyati hokimligi huzuridagi fuqarolarning o‘z o‘zini boshqarish organlari xodimlarining malakasini oshirish bo‘yicha o‘quv kurslari bilan hamkorlikda o‘tkazildi. Davra suhbatida Alisher Navoiyning 577 yilligiga bag‘ishlab ko‘rgazma tashkil qilinib, unda shoirning asarlari, g‘azallari, 10 jildli to‘la asarlar to‘plami, qomusiy lug‘atlari, Alisher Navoiyning sharqona mo‘jaz suratlari, tavsiya ro‘yxati, ma’naviy-ma’rifiy tadbirlar ssenariylari o‘rin oldi.
“She’riyat mulkining sultoni” deb nomlangan davra suhbatini ARM kutubxonasi rahbari Z.Djavadova olib bordi. Buxoro viloyati hokimligi huzuridagi fuqarolarning o‘z o‘zini boshqarish organlari xodimlarining malakasini oshirish bo‘yicha o‘quv kurslari direktori Q.Tursunov kirish so‘zi bilan ochib, ulug‘ shoir va mutafakkir Alisher Navoiyning dunyo adabiyoti tarixiga qo‘shgan buyuk hissasi to‘g‘risida batafsil to‘xtalib o‘tdi.
Shuningdek, Buxoro viloyati hokimligi huzuridagi fuqarolarning o‘z o‘zini boshqarish organlari xodimlarining malakasini oshirish bo‘yicha o‘quv kurslarining o‘quv-metodik va tashkiliy masalalar bo‘limi boshlig‘i D.Sharipov, “Tillarni o‘qitish metodikasi” kafedrasi o‘qituvchisi G.Muqimova, yotoqxona komendanti Q.Safarov, kurs tinglovchilaridan S.Abbosova, M.G‘anieva, M.Po‘lotovalar so‘zga chiqib, bobokalonimiz Alisher Navoiyning yozgan asarlari, bugungi kunda Navoiy asarlari qanchalik katta ahamiyatga ega ekanligi haqida, uning asarlari jahon kutubxonalari javonlarida eng yuksak darajada joy egallab o‘zbek xalqini o‘zining asarlari orqali dunyoga tanitganligi to‘g‘risida to‘xtalib o‘tib, uning g‘azallaridan parchalar o‘qib berdilar.
“She’riyat mulkining sultoni” davra suhbati ishtirokchilarda katta taassurot qoldirdi.
Tayyorladi: Bux DU huzuridagi XTXQTUMOHM “Ilg‘or tajriba va
xalqaro hamkorlik ilmiy-axborot tadqiqotlar” bo‘limi