Buxoro viloyati pedagogik mahorat markazida «Ishonch» jamg’armasi loyihasi doirasida YUNESKO tashkilotining Oʻzbekistondagi vakolatxonasi ekspertlari ishtirokida o’qituvchilarni uzluksiz kasbiy rivojlantirish masalalariga bag’ishlangan uchrashuv bo’lib o’tdi.

Uchrashuvda markaz direktori A.Xamidov, viloyat Maktabgacha va maktab ta’limi boshqarmasi mas’ul xodimlari, xorijiy mutaxassislar, markaz professor-o’qituvchilari, master-trenerlar, metodistlar, maktab va maktabgacha ta’lim tashkiloti direktorlari ishtirok etdi.

✅ Tadbir davomida:

🔂  Pedagogik mukammallik modeli

🔂  Global modellar bo‘yicha o‘qituvchilarning kasbiy rivojlanishida mukammallik modelini joriy etish

🔂  STEAM yo‘nalishlarini kengaytirish

🔂  Hamkorlikni kuchaytirish masalalari muhokama qilindi.

🔵 Guruhlarning faol ishtirokida hududiy harakat rejalari ishlab chiqildi. Bu rejalarda har bir hududning o’ziga xos xususiyatlari hisobga olingan holda, o’qituvchilarning kasbiy mahoratini oshirish bo’yicha vazifalar belgilab olindi.