Maktabgacha va maktab ta’limi vazirligi hamda Buxoro viloyati pedagogik mahorat markazi hamkorligida  «Yangi Oʻzbekiston sharoitida hamkorlik ta’limi masalalari: muammo va yechimlar» mavzusida Respublika miqyosida ilmiy-amaliy konferensiya boʻlib oʻtdi.

Konferensiyani Maktabgacha va maktab ta’limi vazirligi Pedagog kadrlarni tayyorlash va kasbiy rivojlantirish boshqarmasi boshligʻi oʻrinbosari A.Bahronov va Buxoro viloyati  pedagogik mahorat markazi direktori A.Xamidov  kirish soʻzlari bilan ochib berishdi.

🖇 Ma’ruzalarda XXI asr koʻnikmalarini yoshlarda shakllantirish asoslari, maktabgacha ta’lim yoshidagi bolalar rivojlanishida kolloborativ-integrativ muhitning samarali imkoniyatlari, shuningdek, ta’lim sifatini oshirish usullari borasidagi mavzularda fikr yuritildi.