BuxDU huzuridagi xalq ta’limi xodimlarini qayta tayyorlash va ularning malakasini oshirish hududiy markazi «Milliy istiqlol g’oyasi» malaka toifasi tinglovchilari joriy yilning 24-oktabrida Buxoro shahar 10-umumiy o’rta ta’lim maktabida «Ijtimoiy-iqtisodiy fanlar metodikasi» kafedrasi katta o‘qituvchisi M.Abdullaeva rahbarligida ko’chma amaliy mashg’ulotni o’tkazdilar. Maktabda o‘tkazilayotgan «ona tili va adabiyoti» fan oyligi bo‘yicha ochiq darslar va tadbirlarni ham kuzatib tahlil qildilar.
Shuningdek, «Vatan tuyg’usi» fanidan «Milliy g‘oya va ma’naviyat asoslari» fani o‘qituvchisi M.Hojiyevaning 5A sinfida «Milliy bog’», 5B sinfida M.Ergashevaning «Vatanni anglash» mavzularidagi darslarini kuzatib tahlil qildilar. Darslar zamonaviy pedagogik texnologiyalar asosida kichik guruhlarga bo’linib tashkil etildi. O’quvchilar Vatan haqidagi she’r va maqollarni juda ham ifodali tarzda aytib berdilar. Darslarda axborot kommunikatsiya texnologiyalaridan, qo’shimcha adabiyotlardan unumli foydalanildi. «Milliy istiqlol g’oyasi» malaka toifasi tinglovchilari darslarni tahlil qilib o’zaro tajriba almashdilar.
Tayyorladi: Bux DU huzuridagi XTXQTUMOHM “Ilg‘or tajriba va
xalqaro hamkorlik ilmiy-axborot tadqiqotlar” bo‘limi
