Buxoro viloyati pedagogik mahorat markazining Maktabgacha ta’lim tashkiloti tarbiyachilari malakasini oshirish kursi tinglovchilari o’rtasida «Kreativ tarbiyachi» nomli innovatsion ko’rik-tanlov o’tkazildi.

🔴 Tanlov shartiga ko’ra guruhlar o’z faoliyat yo’nalishlariga mos frontal mashg’ulotdan namuna ko’rsatib berishlari va bolalarda shakllantiriladigan ko’nikmalar mazmunini tahlil qilishlari kerak edi.  Beshala guruh a’zolari o’zlariga biriktirilgan mashg’ulot mavzusiga mos: 

✅ ko’rgazmali qurollar tayyorlandi; 

✅ amaliy tajribalar ko’rsatildi; 

✅ ertak qahramonlari sahna ko’rinishi orqali jonlantirildi;

✅ nazmiy kechada bolalar nutqini rivojlantiruvchi topshiriqlar tizimi ishlab chiqildi.

🤔 Ishtirokchi guruhlarning kreativ g’oyalari, mavzu mazmuniga mos taqdimotlari hakamlar hay’ati tomonidan oqilona baholandi. «Til va nutq», «Fan va tabiat», «Elementar matematika», «Savodxonlikka o’rgatish» va «Badiiy adabiyot» mavzulariga mos frontal mashg’ulot uchun tanlangan metodik vositalar, tavsiyalar tahlil qilindi.